The New Lizard

The New Lizard!

Aap is article ka naam padh kr soch rhe honge k pakka koi naya banda jisko article likhne ka pagalpan sawaar hua hai…laptop nikal k likhne baith gya hai aur pta nahi english me kya anaap shanaap bakega. To janab aap sabhi ko ye batate huey mujhe badi khushi k saath garv ho rha hai k ye article english me nahi hai aur naahi isme aapko hindi padhne ko milegi…kyuki yaha mai jis language ka upyog karne waala hu uska naam hai HINGLISH !! Kushi isliye ki ye article mera hai aur garv isliye k ye mera pehla article hai. Are aap to gabhraane lage,  gabhro mt yaar aage padho. Mera waada hai maza hi aayega. Mai apne mooh miya mithoo nhi banana chahta pr apne likhne k andaaz ka mai aapko apna gada hua siddhant spasht kr du ki mai jo likhta hu wo bohut saral language hoti hai, dusra aapko poore article me ek akshay kumar ki comedy film jaisa anubhav hoga. Serious bato ko bhi mazak me keh dena meri fitrat hai. Dusra sidhant mai aapko apna bta du k mai likhne me jin shabdo ka prayog krta hu wo – English, Hindi, Urdu aur HINGLISH se liye hote hai…

Ab aap ye soch me pad gye honge ki ye HINGLISH kis bala ka naam hai. To aapki jankari k liye bata du ki hinglish asal me hindi aur english ko milake bani hai. Naye zamane ki nayi bhasha. Asal me likha to hindi hi jata hai pr likhna english k letters ka istamaal karke hota hai. Iske 2 faayde hai. Pehla to ye ki maatra-vaatra ka jhanjhat nahi hota, jaise maine abhi bola “MAATRA-VAATRA”..ab agar is article ko shudh hindi me likne ki naakam koshish karu tobhi kya mai usme “MAATRA-VAATRA” likh skta ?? nahi na.. isliye to mujh jaise kuch aalsi aur hindi se ji churane waale noujavaano ne is mahaan bhasha ki khoj kri taki hum apne utpatang bhasha ka maze k saath istamaal kr ske. Aur dusra faayda hinglish ka ye hai  ki article likhte-likhte kahi bhule bhatke spelling mistake ho bhi gayi to ye bolke badi aasani se taala ja sakta hai ki bhaiya ye to hinglish likhne ka tarika hai. Ab saamne waala impress….Ab wo lakh sar patak le pr meri galti pakad nhi sakta. Hai na mazedaar !! Are yahi to hai bhai nayi pidhi. Mast-moula, aalsi, apna kaam dusro pr thopne waali aur sabse badi quality-apni galti kisi aur pr thopne ki. Jaisa ki mai is poore article me karne waala hu. Agar mujhse kahi koi maatra-vaatra ki galti ho to bhaiya galti mt nikaalna ulta ye samajh lena ki ye hinglish ka hi ek roop hai. Nayi pidhi hu bhai aakhir apni galti ka bhoj apne sar kaise utha skta hu. Kyu ?????

Ab jab naye pidhi ki baat chali hai to mai aapko rubaru karau apne article k mukhya kirdaar se. To janaab hamare mukhya kirdaar bhi naye zamaane se

nayi peedhi hai, hr aaltu-faaltu uplabdhiyo me garv karna hamara janm sidh adhikaar jo tehra. Fir kuch aur din inke aise hi beet gye apne 4BHK flat me chaati fulaye ghoomte aur jb jaha man kiya potty karte. Waise itne dino me inke saath ek haadsa bhi hogaya. Hua ye ki ye bhaisahaab ek din night walk pr nikle the, bhayi nayi peedhi hai subah uth k morning walk todhi karte hai, ye to khana kha k night walk karte hai. Khair jaisa maine bataya k night walk pr nikle the. Tabhi achaanak nayi peedhi ka ek shaitaan bachha haath dho k inki pooch k peeche pad gya. Le-deke inhone apni pooch bachayi “I hate love story’s” k waaste. Lekin thehre nayi peedhi k garm khoon, taish me aake agli subah breakfast k baad us bachhe k room me gaye aur uske bed sheet pr potty kr aaye. Tb kahi jaake inki rooh ko chain naseeb hua.

Aur jaisa nayi peedhi karti hai, kuch hi din apne maa-baap ki sunani fir apna raaj chalana. So inhone bhi wahi raah pakadte huey apni maa ko do took jawaab de daala k ab mai bada ho gaya hu, toka mt kro. Maa ne bhi nayi pidhi se behas naa krne me hi bhalayi samajhte huey Mr. Lizard ki haa me haa milyai.

Bas fir kyat tha, Mr. Lizard nikal pade apna carrier banaane. Kayi dino tk kayi gharo ki deewar chaanane k baad jb ye hatash ho gaye to ek din apne 4BHK flat k saamne ki wing k flat no. 332 ke master bedroom ki deewar me chipke huye inhe kuch nazar aaya. Inhone dekha k usi deewar se chipke ek table pr ek kaale colour ki choti table padi thi. Tabhi inhe nayi peedhi ka ek ladka doudta hua nazar aaya. Ye ghabraakar apni pocch saamne kiye uski pahuch se upar ja chipke. Fir inhone jo dekha usne inki aankhe khol di. Inhone paaya ki wo bachha bhaagta hua us table pr aaya, saamne rkhi revolving chair pr baitha aur usi table pr rkhi us chooti kaali table ko saamne se khola. Tb jaake Mr. Lizard ko apni galti ka ehsaas hua ki bhai ye to table nahi laptop hai. Fir kya tha, us raat sabke sone k baad Mr. Lizard neeche utare , aur us laptop k ird gird ghoomte huey baariki se uska muaayna kiya. Isme inko apna future nazar aaya aur inhone agle hi din Lizards Coperative Society me Laptop loan ki arzi daal di. Sunane me aaya hai ki at present Mr. Lizard Computer ka short term course kr rahe hai. Aage ki inki kahaani baad me hi bata paunga jb ye degree le lenge aur kisi multi national company me lg jaynge.

Tb tk k liye namaaskaar aur Anupam Dan ka aapko pranaam. Choti si ye story aapko kaisi lgi zarur batayega….

MORAL OF THE STORY :- Zindagi me hamesha bollywood films dekhiye , fir chahe aap manushya ho ya Lizard, kyuki inhi blockbusters ki bdaoulat aapko apne jeevan me sabse imp. cheez jaise Mr. Lizard k case me unki pooch bachane ka technically correct kaaran mil jaata hai !

Thanks for giving time to read my not so imp. article….Ur comments r very valuable to me. So do reply me.

Anupam Dan

NOTE to the reader : In this article I have represented a new generation human or u can say a so called teenager as Mr. Lizard. I have tried to demonstrate what things happen in a youngsters mind & what he thinks of the world. Here Mr. Lizard is just used to represent young generation & their new thinking.